Luke 3
Baptize-pa John in Lampi Sialkhol
1Pontius Pilate, Judea gam ukpipa hi-a, Herod, Galilee gam ukpa hi-in, a sanggampa Philip, Iturea le Traconitis gam ukpa hi-a, Lysanias, Abilene gam ukpa ahi laitak- Tiberius Caesar in a uk zawh a kum sawm le ngana ahi hi. 2Tua hunin Anna le Caiaphas tulpi sem hi uh a, tua hunlaitakin gamlaka om Zechariah tapa John tungah Pasian thu a tung hi. 3Amah Jordan kimkot-a gamsung khua khempeuh ah pai-a, mawhnate maisak nading kisikna tawh kisai baptisena thu a hilh hi. 4Kamsangpa Isaiah thute laibu sungah: “Gamlak-a kikopa aw in,‘Topa ading lampi na sialkhol un,
ama ading lampi na tangsak un.
5 Mualkuam khempeuh kivuk dim dinga,
muallian le mualneu khempeuh kiniamsak ding hi.
Lamkawi khempeuh kitangsak dinga,
lamphok khempeuh kimaihtam ding hi.
6 Tua ciangin mi vannuai in Pasian hotkhiatna a mu ding uh hi.’ ci hi” ▼
▼3.6 Isa. 40:3-5
ci-a kigelh bang ahi hi. 7 Amah kibaptisesak dinga pai mihonte John in a muh ciangin, “No mualtan suante! Hong tung ding thangpaihna pana taikhia dingin kua in hong vauhilh ahi hiam? 8Kisikna tawh kilawm gah na gah un. No le no in, ‘Abraham ka pa uh hi,’ kici kei un. Ahang in, Pasian in hih suangte Abraham tate a suaksak thei hi, cih kong hilh hi. 9Sing phungte ah hei a om khin zo hi; gah hoih a gah lo kungte kiphukin mei sungah kikhul ding hi,” a ci hi. b 10 Mihonpite in, “Tua ahileh bang ka hih ding uh hiam?” ci-in a dong uh hi. c 11 John in, “Puantungsilh nih a neithuah pa in, a nei lo pa khen dinga, tua mah bangin an nei pa in zong a hih ding hi,” ci-in a dawng hi. d 12 Siahdongte zong a kibaptise dingin va pai uh a, “Sia aw, bang hih ding ka hi uh hiam?” ci-in a dong uh hi. 13 Amah in amaute kiangah, “Na don ding zah val uh na dong kei un,” ci-in a gen hi. e 14 Tua ciangin galkap pawlkhat va pai uh a, “Ko zong bang ka hih ding uh hiam?” ci-in amah a dong uh hi. Amah in, “Mi sum na gumsuh kei unla, zuauthu tawh mi na mawk ngawh kei un. Na khasum uh tawh lungkim lel un,” ci-in a dawng hi. f 15 Mite in John hoh Christ ▼
▼3.15 Ahikeh Messiah
a hi kha tam ci-a a lungtang sunguah ngaihsun kakkakin, a ngak laitak uh ahi hi. 16John in amaute khempeuh kiangah, “Keimah in note tui in ▼▼3.16 Ahikeh sung
kong baptize hi. Ahi hangin kei sanga a vanglian zaw khat hong pai ding hi; ama khedap khaute sut ding nangawnin ka cin zo kei hi. Amah in note Khasiangtho le mei-in hong baptize ding hi. 17Amah in a buhah ciangka tawi-in buhphual a hahsiang ding hi. Atak teng a sal sungah koih dinga, a sii teng ahileh a mit thei lo mei sungah a khul ding hi,” ci-in a hilh hi. 18John in mipite thudang tampi tawh hanthawna, amaute kiangah lungdamna-thu a hilh hi. 19 Ahi hangin John in, gam-ukpa Herod tatsiatna khempeuh le a sanggampa zi Herodias hangin amah a tai ciangin, 20Herod in ama tatsiatnasa teng a behlapna in thong sungah John a khum hi. i Jesu Kibaptisena le Khangsimna
21 Mi khempeuh a kibaptise uh ciangin Jesu zong a kibaptise hi. Tua ci-a thu a nget laitakin van kihong a, 22vakhu bangin Khasiangtho pumpi nei in ama tungah a kumsuk hi. Tua ciangin vantung pan aw khat in, “Nang ka it ka Tapa na hi hi; nang tungah ka lungkim mahmah hi,” a ci hi. 23 Jesu thuhilh nasep a kipatin kum sawmthum bang a pha hi. A kingaihsutna ah amah Joseph tapa hi-a, j Heli tapa Joseph, 24Matthat tapa Heli,Levi tapa Matthat, Melki tapa Levi,
Jannai tapa Melki, Joseph tapa Jannai
25 Mattathias tapa Joseph, Amos tapa Mattathias,
Nahum tapa Amos, Esli tapa Nahum,
Naggai tapa Esli, 26Maath tapa Nagai,
Mattathias tapa Maath, Semein Tapa Matathia,
Josech tapa Semein, Joda tapa Josech,
27 Joanan tapa Joda, Rhesa tapa Joanan,
Zerubbabel tapa Rhesa, Shealtiel Tapa Zerubabel,
Neri tapa Shealtiel, 28Melki tapa Neri,
Addi tapa Melki, Cosam tapa Adi,
Elmadam tapa Cosam, Er tapa Elmadam,
29 Joshua tapa Er, Eliezer tapa Joshua,
Jorim tapa Eliezer,Matthat tapa Jorim,
Levi tapa Matthat, 30Simeon tapa Levi,
Judah tapa Simeon, Joseph tapa Judah,
Jotham tapa Joseph, Eliakim tapa Jonam,
31 Melea tapa Eliakim, Menna tapa Melea,
Mattatha tapa Menna, Nathan tapa Mattatha, k
David tapa Nathan, 32Jesse tapa David,
Obed tapa Jesse, Boaz tapa Obed,
Salmon ▼
▼3.32 Khutgelh masa pawlkhatah Sala
tapa Boaz, Nahshon tapa Salmon,33 Amminadab tapa Nahshon, Ram ▼
▼3.33 Khutgelh masa pawlkhat Admin tapa Amminadab, Arni tapa Admin; khutgelh dangte ah kinak lamdan mahmah hi
tapa Aminadab,Hezron tapa Ram, Perez tapa Hezron, n
Judah tapa Perez, 34Jacob tapa Judah,
Isaac tapa Jacob,Abraham tapa Isaac,
Terah tapa Abraham, Nahor tapa Terah, o
35 Serug tapa Nahor, Reu tapa Serug,
Peleg tapa Reu, Eber tapa Peleg,
Shelah tapa Eber, 36Cainan tapa Shelah,
Arphaxad tapa Kainan, Shem tapa Arphaxad, p
Noah tapa Shem, Lamech tapa Noah, q
37 Methuselah tapa Lamech, Enoch tapa Methuselah,
Jared tapa Enoch, Mahalalel tapa Jared, r
Cainan tapa Mahalalel, 38Enosh tapa Cainan,
Seth tapa Enos, Adam tapa Seth.
Pasian tapa Adam. s
Copyright information for
ZomZIV